करजा लियात बा,
बियवा छिटात बा,
दिनवा जोडात बा,
उहे त किसान बा।
पनिया पटात बा,
खेतवा सोहात बा,
समईया दियात बा,
उहे त किसान बा।
मनवा में आश बा,
खेतवा अगोरात बा,
फसलवा कटात बा,
उहे त किसान बा।
बोझवा गिनात बा,
मुड़ीये प ढ़ोआत बा,
खरिहानि में पिटात बा,
उहे त किसान बा।
घरवा में उसिनात बा,
ओखरी में कुटात बा,
चलनी में चालात बा,
उहे त किसान बा।
चूल्हा प रखात बा,
माढ़वा पसात बा,
सभे के घोटात बा,
उहे त किसान बा।
अनुराग रंजन के आखर परिवार के सभे के प्रणाम बा।
जय आखर,
जय भोजपुरी।
No comments:
Post a Comment